Америкийн дуучин, хөгжмийн зохиолч, продюсер Меган Трейнор “Toy With Me” нэртэй шинэ цомог гаргахаар төлөвлөж байсан ч аялан тоглолтоо цуцалсан тухайгаа мэдэгдлээ.
Тэрээр энэ шийдвэрийг гаргахад маш хэцүү байсан бөгөөд “Би карьераа сонгох уу, эсвэл ээж байх уу?” гэсэн асуулттай тулгарсан тухайгаа ярьсан байна. Трейнор нөхөр, жүжигчин Дэрил Сабаратай хамт хоёр хүүхэдтэй бөгөөд тэднийг өсгөн хүмүүжүүлэхэд анхаарлаа хандуулахыг хүсч байгаагаа илэрхийлжээ.
Түүний шийдвэр олон шүтэн бишрэгчдийнх нь сэтгэлийг гонсойлгосон ч ээж байх нь карьераасаа илүү чухал гэдгийг ойлгож байгаагаа илэрхийлсэн байна. Трейнор мөн шинэ цомог нь гэр бүлийн амьдрал, ээж байхын тухай илүү гүн гүнзгий сэдвийг хөндсөн гэдгийг дурджээ. Тэрээр цаашид хөгжмийн карьераа үргэлжлүүлэх боловч хүүхдүүддээ цаг зав гаргахын тулд илүү болгоомжтой төлөвлөх болно гэдгээ онцолсон байна.
