АНУ-ын томоохон хөрөнгө оруулалтын банк болох Морган Стэнли (Morgan Stanley) компани удахгүй гаргахаар төлөвлөж буй Ethereum болон Solana криптовалютын биржийн арилжааны сангуудын (ETF) шимтгэлийн хэмжээг өөрчлөхөөр болжээ.
ETF-ийн шинжээч Эрик Балчунасын мэдээлснээр, тус компани эдгээр сангууддаа 0.14 хувийн шимтгэл тогтоох төлөвлөгөөтэй байгаа аж. Энэхүү шимтгэлийн хэмжээ нь тус сангуудыг АНУ төдийгүй дэлхийн хэмжээнд хамгийн хямд өртөгтэй крипто сангууд болгоно гэж шинжээч онцолсон байна.
Морган Стэнли нь дэлхийн санхүүгийн салбарт тэргүүлэгч байгууллагуудын нэг бөгөөд тэдний энэхүү алхам нь крипто хөрөнгө оруулалтын бүтээгдэхүүний зах зээлд өрсөлдөөнт нөхцөл байдлыг бий болгож байна.
