АНУ-ын Нью-Хэмпшир муж улс блокчэйн технологитой холбоотой шинэ хуулийг албан ёсоор баталж, хэрэгжүүлж эхэллээ. Энэхүү хууль нь тус мужийн нутаг дэвсгэрт үйл ажиллагаа явуулж буй крипто салбарын оролцогчдод чиглэсэн томоохон алхам болж байна.
Шинэ хуулийн хүрээнд крипто хэрэглэгчид, олборлогчид (miners) болон стейкинг (staking) хийгчдийн эрх ашгийг хамгаалах хамгаалалтын зохицуулалтуудыг тусгажээ. Энэ нь тус мужид блокчэйн технологийн хэрэглээг илүү тодорхой эрх зүйн орчинтой болгож байгаа юм.
Тус муж нь өмнө нь Биткойны нөөц бүрдүүлэхтэй холбоотой асуудлаар олны анхааралд өртөж байсан бөгөөд одоо ийнхүү “Блокчэйний үндсэн хууль”-ийг баталснаар салбарынхаа хөгжлийг дэмжих чиглэлд дахин нэг алхам хийлээ.
