Америкийн чөлөөт бөхийн нүүр царай болсон алдарт бөх, олимпын аварга Жордан Барроуз хоёр жилийн хугацаанд үргэлжилсэн завсарлагаагаа дуусгаж, спортын талбарт эргэн ирэхээр боллоо. Тэрээр хамгийн сүүлд 2024 оны Дэлхийн аварга шалгаруулах тэмцээнд оролцсоноос хойш барилдаагүй байсан юм.
Өдгөө 37 настай Барроуз нь олимпын алтан медаль, дэлхийн зургаан удаагийн аварга цолтой, Америкийн бөхийн түүхэн дэх хамгийн агуу тамирчдын нэгд зүй ёсоор тооцогддог. Тэрээр 15 жилийн турш Америкийн бөхийн спортыг төлөөлөн амжилттай барилдсан билээ.
Энэ удаагийн эргэн ирэлт нь түүнийг UFC-ийн шилдэг таван тулаанчийн нэгтэй тулалдуулахаар төлөвлөж байгаагаараа олны анхаарлыг татаж байна. Одоогоор тулааны тов болон бусад дэлгэрэнгүй мэдээлэл хараахан гараагүй байгаа ч спортын ертөнцийнхөн түүний энэхүү шийдвэрийг анхааралтай ажиглаж байна.
