Дэлхийн хөгжмийн салбарын гол хэмжүүр болсон Billboard чартууд сүүлийн жилүүдэд хэрхэн өөрчлөгдөж буйг ChartCipher-ийн судалгаагаар тодрууллаа. 2021-2025 оны хоорондох “Streaming Songs” буюу стриминг платформын хитүүд болон “Radio Songs” буюу радиогийн шилдэг дуунуудыг харьцуулахад сонирхолтой дүр зураг ажиглагдаж байна.
Судалгаанаас харахад стриминг платформ болох Spotify, Apple Music зэрэг дээр сонсогчид илүү шинэлэг, залуу уран бүтээлчдийн дууг сонгодог бол радиогийн эфирээр олон нийтэд танигдсан, удаан хугацаанд эгшиглэсэн хит дуунууд давамгайлсаар байна. Энэ нь хөгжим сонсох зуршил болон технологийн хэрэглээний ялгаатай холбоотой юм. Стриминг платформ дээр сонсогчид өөрсдийн сонирхлоор дууг сонгодог бол радио нь илүү өргөн хүрээний, бүх насныханд зориулсан бодлого баримталдаг тул илүү “сонгодог” хитүүдийг эгшиглүүлдэг байна.
Мөн энэхүү дүн шинжилгээгээр стриминг дээрх дуунууд маш хурдан хугацаанд оргилд хүрээд буурдаг бол радиогийн хитүүд илүү удаан хугацаанд чартын эхний байруудад хадгалагддаг болохыг тогтоожээ. Энэ нь радиогийн сурталчилгааны хүч болон сонсогчдын дадалтай шууд холбоотой юм.
Дэлхийн хөгжмийн зах зээлийн энэхүү чиг хандлага нь уран бүтээлчдээс өөрсдийн дуугаа сурталчлахдаа аль платформд илүү анхаарал хандуулах вэ гэдэг стратегийн шийдвэрийг гаргахад чухал нөлөө үзүүлж байна. Хэдийгээр стриминг платформ давамгайлж байгаа ч радио нь өнөөдрийг хүртэл хит дууг олон нийтийн соёлд нэвтрүүлэх хүчирхэг хэвээр байгааг энэхүү судалгаа баталлаа.
