Суки Уотерхаус (Suki Waterhouse) гэх Америкийн жүжигчин, дуучин бүсгүй саяхан нэгэн ярилцлагадаа “Daisy Jones And The Six” кинонд тоглосны дараа хөгжмийн карьераа үргэлжлүүлэхэд илүү их урам зориг орсон тухайгаа хуваалцсан байна. Тэрээр киноны үеэр хөгжмийн зохиол бичих, дуулах ур чадвараа нээж, цаашдын уран бүтээлдээ ашиглахаар шийдсэн гэнэ.
Түүний хэлснээр, “Daisy Jones And The Six” кинонд тоглосноор өөртөө итгэх итгэл нь нэмэгдэж, хөгжмийн ертөнцөд өөрийгөө илэрхийлэх хүсэл эрмэлзэл нь улам бадарсан байна. Тэрээр кинонд тоглохын хажуугаар өөрийн гэсэн хөгжмийн стилийг бий болгох, дууны үгэндээ илүү анхаарал хандуулах болжээ.
Түүгээр ч зогсохгүй, хамгийн сүүлд гаргасан “Melrose Meltdown” дуу нь жүжигчин Роберт Паттинсонтой (Robert Pattinson) үерхэж байсан үеэсээ сэдэвлэсэн гэдгээ ч дурджээ. Суки Уотерхаус өмнө нь загвар өмсөгч, жүжигчин гэдгээрээ олонд танигдсан бол одоо хөгжмийн ертөнцөд өөрийн гэсэн байр суурийг эзлэхээр шаргуу ажиллаж байна. Түүний шинэ уран бүтээлүүд залуу сонсогчдын сонирхлыг ихэд татаж байгаа бөгөөд цаашдын уран бүтээлд нь амжилт хүсье.
