Өмнөд Африкийн залуу дуучин Тайла өөрийн “A*POP” нэртэй шинэ цомгийн талаар саяхан зарлалаа. Тэрээр 2024 онд анхны цомгоо гаргаж, Billboard-ын чартуудыг тэргүүлж, Африк гаралтай эмэгтэй дуучид дундаа хамгийн өндөр амжилт үзүүлсэн билээ.
Тайлагийн хит дуунууд болох “Water”, “Truth or Dare” зэрэг нь TikTok-оор дамжуулан дэлхий даяар тархаж, түүнийг олон улсад таниулсан. Түүний дуунуудын хэмнэл, өвөрмөц хоолой нь залуу сонсогчдын сонирхлыг ихэд татдаг.
“A*POP” цомогт ямар дуунууд багтах, хэзээ худалдаанд гарах талаар тодорхой мэдээлэл хараахан гараагүй байгаа ч Тайлагийн фэнүүд түүний шинэ уран бүтээлийг тэсэн ядан хүлээж байна. Тэрээр шинэ цомгийнхоо талаар “Би маш шинэлэг зүйл хийсэн гэж бодож байна” хэмээн хэлсэн нь фэнүүдийн хүлээлтийг улам өндөрсгөж байна.
