Украин улсын парламент үндэстний цөөнхийн эрхийг хамгаалах тухай хуулийн төслийг даваа гарагт баталлаа. Энэхүү алхам нь тус улс Европын Холбоонд (ЕХ) элсэх замд тулгарч байсан гол саад бэрхшээлүүдийн нэгийг арилгаж байна.
Үүнтэй холбогдуулан Европын Холбоо мягмар гарагт Украинтай хийх элсэлтийн яриа хэлэлцээний шинэ бүлгүүдийг нээхээр төлөвлөөд байгаа юм. Энэ нь Киевийн хувьд тус эвсэлд нэгдэх урт удаан үйл явцын нэн чухал алхам болж байна.
Баруун Украинд амьдардаг унгар хэлтэй цөөнхийн статус нь Будапешт болон Киевийн хооронд удаан хугацаанд санал зөрөлдөөн, маргаан үүсгэсээр ирсэн юм. Үүнээс үүдэн Унгар улс Украины ЕХ-нд гишүүнээр элсэх хүсэлтийг хааж, хориг тавьж байжээ. Украин улс ОХУ-ын бүрэн хэмжээний халдлага эхэлснээс хэдхэн хоногийн дараа тус холбоонд элсэх албан ёсны өргөдлөө гаргаж байсан билээ.
