Санхүүгийн чиглэлээр нийтлэл бичдэг Financial Samurai цахим хуудсанд зах зээлийн уналтын үеэр тэтгэвэрт гарсан байхын давуу талын талаар нийтэлжээ.
Тус нийтлэлийн зохиогч технологийн салбарын хувьцаанд түлхүү хөрөнгө оруулалт хийсний улмаас өөрийнх нь олон нийтэд нээлттэй хувьцааны багц ихээхэн хохирол амссан тухай дурдсан байна. Гэвч тэрээр өөртөө гутрахаа больсны дараа нөхцөл байдлыг илүү гэгээлэг талаас нь харж эхэлжээ.
Түүний тэмдэглэснээр, зах зээл одоогоор албан ёсоор "баавгай зах зээл" буюу уналтын зах зээлд хараахан шилжээгүй байгаа аж. Гэсэн хэдий ч технологийн салбарын олон тооны бие даасан хувьцааны ханш аль хэдийн 20 гаруй хувиар унаад байгааг тэрээр онцолсон байна.
