Дэлхий даяар нүдний шил шаардлагатай байгаа хэдий ч түүнийгээ авч чадаагүй олон хүн байсаар байна. Энэхүү асуудлыг шийдвэрлэх шинэлэг арга замыг Энэтхэгийн зарим хотод туршиж байгаа талаар NPR Health мэдээллээ.
Тус улсын зарим шуудангийн салбарт үйлчлүүлэгчдийн нүдний харааг шалгах үйлчилгээг нэвтрүүлж байна. Тухайлбал, шуудангийн салбараар үйлчлүүлж байхдаа жижиг үсэг унших гэж нүдээ онийлгон харж буй хүнд ажилтнууд "Та нүдээ шалгуулахыг хүсэж байна уу?" гэсэн асуултыг тавьдаг болжээ.
Энэхүү санаачилга нь нүдний шилний хэрэгцээтэй хүмүүсийг илрүүлэх, тэдэнд тусламж үзүүлэхэд шуудангийн салбарын дэд бүтцийг ашиглах боломжийг эрэлхийлж байгаагаараа онцлог юм. Одоогоор нүдний шилний хэрэглээг нэмэгдүүлэхэд шуудангийн салбар хэрхэн нөлөөлөх нь ажиглалтын шатанд байна.
