Америкийн R&B дуучин, хит дуунуудаараа залуусын зүрх сэтгэлийг эзэмдсэн Элла Мэй удахгүй болох “Do You Still Love Me” нэртэй аялан тоглолтынхоо талаар сонирхолтой мэдээллүүдийг өглөө. Тэрээр саяхан Сент Люсиа Жазз болон Урлагийн наадамд оролцсоныхоо дараа Billboard сэтгүүлд өгсөн ярилцлагадаа тоглолтын бэлтгэл ажилдаа ханцуй шамлан орсноо дуулгасан байна.
Элла Мэй өөрийн хөгжим, уран бүтээлээ улам бүр хөгжүүлж, шинэ шатанд гаргахыг зорьж байгаагаа онцолсон. Тэрээр “Бид энэ удаагийн аялан тоглолтоороо урьд өмнөхөөсөө илүү гайхалтай зүйлсийг үзүүлэхийг хүсч байна. Фэнүүд маань биднээс юу хүлээж байгааг мэдэж байгаа. Тэдний хүлээлтийг бүрэн дүүргэхийн тулд хичээх болно” гэжээ.
Элла Мэйгийн хувьд “Boo'd Up”, “Trip” зэрэг дуунууд нь Billboard Hot 100 чартыг тэргүүлж байсан бөгөөд Грэммийн шагнал хүртэж байсан амжилттай уран бүтээлч юм. Түүний шинэ аялан тоглолт нь фэнүүддээ шинэ хөгжмийн туршлага, гайхалтай үзүүлбэрүүдийг амлаж байгаа бололтой. Хамгийн гол нь түүний энэ аялан тоглолт Монголд ирэх болов уу гэдэг нь залуусын дунд хамгийн ихээр хүлээлт үүсгэж байна. Манай залуус R&B-д дуртай шүү дээ!
