Японы алдарт Toei компани, та бүхний мэдэх Dragon Ball, One Piece зэрэг анимэнуудыг бүтээгч нь Toei Games хэмээх тоглоомын хөгжүүлэлтийн хэлтсээ нээж байгаагаа зарлалаа. Тэдний анхны төслүүд нь KILLA, HINO, DEBUG NEPHEMEE гэсэн гурван тоглоом бөгөөд бүгд Steam платформоор дамжуулан худалдаалагдах юм байна.
Toei Games-ийн энэхүү шийдвэр нь Японы тоглоомын зах зээлд шинэ өнгө төрх нэмж, тус компанийн анимэ болон манга дахь арвин туршлага нь сонирхолтой тоглоомуудыг бүтээхэд туслах болно гэж шинжээчид үзэж байна. KILLA, HINO, DEBUG NEPHEMEE тоглоомуудын талаар тодорхой мэдээлэл бага байгаа ч, Toei-ийн фэнүүд болон тоглоом сонирхогч залуус эдгээр тоглоомуудыг тэсэн ядан хүлээж байгаа нь дамжиггүй.
Toei Games-ийн цаашдын үйл ажиллагаа, бүтээх тоглоомууд нь Монголын залуусын анхаарлыг татах нь гарцаагүй бөгөөд бид энэ талаарх мэдээллийг тогтмол хүргэх болно.
