Японы иений ханш сүүлийн 40 жилийн доод түвшинд хүрээд байсан уналт нь зогсох шинжгүй үргэлжилж байв. Гэвч даваа гарагийн өглөө гэхэд нөхцөл байдал өөрчлөгдөж, иений ханш ам.долларын эсрэг 155.23 хүртэл огцом өссөн байна. Энэ нь тавдугаар сарын эхэн үеэс хойших хамгийн өндөр үзүүлэлт болохыг Хятадын санхүүгийн мэдээллийн "Wind" байгууллагын тоо баримт харуулж байна.
Энэхүү ханшийн өсөлт нь Токио болон Вашингтон хотын зүгээс валютын зах зээлд хөндлөнгөөс оролцсон ховор тохиолдлын дараа явагдлаа. Уг хамтарсан ажиллагаа нь санхүүгийн хүрээнийхний анхаарлыг ихэд татаж байгаа бөгөөд ялангуяа АНУ-ын Сангийн сайд Скотт Бессент-ийн "хийх ажлын жагсаалт" (to-do list) бүхий гэрэл зураг Reuters агентлагийн дуранд өртсөн нь уг үйл явдлыг илүү сонирхолтой болгож байна.
