Диснейн студийн бүтээсэн, олон нийтийн дунд хүлээлт үүсгээд байсан "Моана" киноны амьд дүрслэлтэй (live-action) хувилбар АНУ болон Канадын зах зээлд нээлтээ хийлээ. Гэвч тус кино эхний долоо хоногтоо ердөө 43 сая ам.долларын орлого олсон нь студийн хувьд хангалтгүй үзүүлэлт болж байна.
Киноны нийт бүтээх өртөг 250 сая ам.доллар хүрсэн гэх мэдээлэл байгаа бөгөөд олон улсын 50 зах зээлээс нэмж 52 сая ам.доллар олсноор дэлхий даяар нийт 95 сая ам.долларын нээлтийг хийжээ. Найруулагч Томас Кайлын бүтээл болох энэхүү кинонд Дуэйн Жонсон дахин домогт Мауигийн дүрийг бүтээж, Катрин Лагааяа полинез гүнжийн дүрд тоглосон байна.
Шүүмжлэгчдийн зүгээс уг киног 2016 оны хүүхэлдэйн киноны хуулбар төдий байна хэмээн дүгнэж, Rotten Tomatoes вэбсайтад 34 хувийн үнэлгээ өгөөд байгаа юм. Гэсэн хэдий ч үзэгчдийн дунд эерэг хандлага ажиглагдаж байна. PostTrak-ийн судалгаагаар үзэгчдийн 63 хувь нь киног найз нөхөддөө санал болгоно гэсэн бол эцэг эхчүүдийн 78 хувь нь бусад эцэг эхчүүдэд үзэхийг зөвлөжээ. Мөн киног "A-" гэсэн үнэлгээтэйгээр хүлээн авсан байна.
Шинжээчдийн үзэж буйгаар, зах зээлд өрсөлдөөн их байгаа нь нөлөөлсөн байж болзошгүй. Тухайлбал, "Minions & Monsters" болон "Toy Story 5" зэрэг гэр бүлийн кинонууд зэрэгцэн гарч байгаа нь үзэгчдийн сонголтыг хувааж байгаа аж. Хэдийгээр өмнөх "Моана"-гийн үргэлжлэл кинонууд өндөр амжилт үзүүлж байсан ч энэ удаагийн шинэ хувилбар бокс оффист хүндрэлтэй тулгарч байна.
