Их Британийн алдарт Oasis хамтлагийн гоцлол дуучин Лиам Галлахер Ирландын Fontaines D.C. хамтлагийг өөрсдийнх нь удахгүй болох ‘Live ’27’ аялан тоглолтыг нээж үзүүлбэр үзүүлэхэд хангалтгүй хэмээн мэдэгдлээ.
Нэгэн шүтэн бишрэгч нь түүнээс Fontaines D.C.-г тоглолтынхоо нээлтийн хамтлагаар яагаад оролцуулахгүй байгаа талаар асуухад Галлахер “Тэд хангалттай сайн биш, тэдэнд олигтой ая алга” гэж хариулсан байна. Энэ нь өмнө нь тус хоёр хамтлагийн дунд үүссэн үл ойлголцлын үргэлжлэл болж байна.
Өмнө нь Fontaines D.C. хамтлагийн гишүүд болох Карлос О’Коннелл, Конор Диган III нар Oasis эргэн нэгдэж байгаад сэтгэл нь огт хөдлөхгүй байгаагаа илэрхийлж байсан юм. Харин тэдний дуучин Гриан Чаттен энэ байр суурийг хуваалцахгүй байгаагаа онцолж, “Би Oasis-т хайртай. Энэ бол миний бодол биш” гэж олон нийтийн сүлжээнд бичиж байв.
Oasis хамтлагийн зарласан ‘Live ’27’ аялан тоглолтын нийт 42 тоглолтын тасалбар бүрэн зарагдаж дууссан бөгөөд одоогоор тэдний бүх тоглолтын нээлтийн уран бүтээлчээр зөвхөн Ричард Эшкрофт албан ёсоор батлагдаад байна. Харин Галлахерын сүүлийн мэдэгдэлд Fontaines D.C. хамтлаг одоогоор олон нийтэд албан ёсны хариу тайлбар өгөөгүй байна.
