Франц улс бямба гарагт дахин томоохон хэмжээний эсэргүүцлийн жагсаалтай нүүр тулахаар бэлтгэж байна. Өнгөрсөн долоо хоногийн амралтын өдрүүдэд гарсан хүчирхийлэл, дээрэм тонуулын үйл явдал дахин давтагдаж болзошгүй гэж болгоомжилж байгаа юм.
Үүнтэй холбогдуулан тус улсын Засгийн газар орон даяар 70,000 цагдаа болон жандармерийн алба хаагчийг дайчлан ажиллуулахаа мэдэгдээд байна.
Парист амьдардаг олон тооны Хятад оюутнуудын хувьд өнгөрсөн бямба гарагт болсон үйл явдал нь Францын томоохон эсэргүүцлийн жагсаал хэрхэн хүчирхийлэл болж хувирдгийг анх удаа харсан тохиолдол байв. Ихэнх оюутнууд уг нөхцөл байдлаас болж Францад үргэлжлүүлэн суралцахаас татгалзаагүй гэж хэлсэн ч тэдний олонх нь тус улсын нөхцөл байдалд санаа зовниж буйгаа илэрхийлжээ.
