Хятад улс болон Европын Холбоо (ЕХ) олон долоо хоног үргэлжилсэн хүндхэн хэлэлцээний үр дүнд худалдааны гэнэтийн хэлэлцээр байгууллаа. Баасан гарагт танилцуулсан энэхүү тохиролцоо нь хоёр талын худалдааны хурцадмал байдлыг намжааж, ширүүн худалдааны дайн эхлэх эрсдэлийг түр хугацаанд хойшлуулав.
Хэлэлцээрийн хүрээнд ЕХ-ны зах зээлд нийлүүлэх Хятадын хайбрид автомашины экспортод хатуу квот тогтоохоор болсон байна. Хариуд нь Бээжин Европын олон нэр төрлийн бараа бүтээгдэхүүнд ногдуулах татвараа бууруулахаар тохиролцжээ.
Мөн Бээжингийн зүгээс Европын Холбооны хэрэгжүүлж буй Хятадын хайбрид автомашины импортыг хязгаарлах арга хэмжээний эсрэг ямар нэгэн хариу хориг тавихгүй байхаар зөвшөөрсөн байна.
