Хөрөнгийн зах зээлд нөхцөл байдал маш хурдацтай өөрчлөгдөж, пүрэв гарагт томоохон уналт бүртгэгдлээ. Ялангуяа технологи болон хиймэл оюуны (AI) чиглэлийн хувьцаанууд хамгийн их цохилтод өртсөн байна.
Энэхүү уналтаар S&P 500 индекс 4 гаруй хувиар буурсан бол Nasdaq 100 индекс 5.5 хувиар доошилжээ. Мөн хөгжиж буй зах зээлүүдийн (Emerging markets) индекс 6 хувиар унасан үзүүлэлттэй гарсан байна.
Салбарын хувьд хагас дамжуулагчийн хувьцаанууд 11 гаруй хувиар огцом уруудсан нь хамгийн өндөр хэлбэлзэлтэй хэсэг боллоо. Түүнчлэн улс орнуудын үзүүлэлтээс харахад Өмнөд Солонгосын зах зээл бараг 14 хувиар буурчээ.
Эдгээр бүх огцом хөдөлгөөнүүд ердөө ганцхан өдрийн дотор явагдсан бөгөөд ийм цаг үед зах зээлийн уналт бүр адил тэгш байдаггүйг сануулж байна.
