Billboard Japan-аас 8 дугаар сарын 27-нд танилцуулсан Billboard Japan Book Hot 100 чартыг зохиолч Ясүхиса Харагийн “Kingdom” цувралын 80 дугаар боть тэргүүллээ. Цуврал нийтлэгдэж эхэлсний 20 жилийн ой тохиож буй энэ үед шинэ боть нь уламжлалт номын дэлгүүрүүд болон цахим номын борлуулалтаар тэргүүлсэн байна. Мөн ойд зориулан гаргасан “Kingdom Magazine 2026” сэтгүүлд Эйичиро Ода (ONE PIECE), Масаши Кишимото (NARUTO), Ёшихиро Тогаши (HUNTERxHUNTER) нарын зурсан бүтээлүүд багтжээ.
Жагсаалтын хоёрдугаар байрт дебют хийсний 3 жилийн ойгоо тэмдэглэж буй MAZZEL хамтлагийн Тайландын Паттая хотод зураг авалтыг нь хийсэн анхны “with ZEAL” фото ном цахим худалдааны үзүүлэлтээрээ тэргүүлэн орсон байна.
Гуравдугаар байрт “Blue Lock” цувралын 40 дүгээр боть шинээр бичигдлээ. Эх сурвалжид дурдсанаар, уг бүтээлийн live-action киноны дасан зохицол одоогоор кино театруудаар гарч байгаа бөгөөд шинэ боть нь уламжлалт дэлгүүр, цахим худалдаа болон цахим номын үзүүлэлтээр бүгдэд нь эхний аравт багтжээ.
Түүнчлэн талийгаач Кейго Хигашиногийн “Eien no Kioku” ном 6-р байраас 4-р байр луу ахисан байна. 8 дугаар сарын 5-нд худалдаанд гарсан уг ном удаа дараа бүрэн зарагдаж дууссан тул нэмэлт хэвлэлтэд орсон бөгөөд энэ нь уламжлалт дэлгүүрийн борлуулалтын үзүүлэлтээр шилдэг 20-оос шууд 3-р байр луу үсрэхэд нөлөөлсөн байж болзошгүй гэж үзжээ. Мөн зохиолчийн “Galileo” цувралын бас нэгэн бүтээл болох “Yogisha X no Kenshin” бүх үзүүлэлтээрээ өсөж, 37-оос 16 дугаар байр луу ахижээ.
Billboard Japan Book Hot 100 нь биет борлуулалт, цахим ном, номын сангийн түрээс, захиалгат үйлчилгээний дата болон олон нийтийн сүлжээний идэвхийг нэгтгэн 8 дугаар сарын 17-ноос 23-ны хоорондох үзүүлэлтийг тооцон гаргадаг цогц чарт юм.
