Технологийн ертөнцийн томоохон тоглогч Apple компани ирэх жилүүдэд бүтээгдэхүүнийхээ загварт томоохон өөрчлөлт оруулахаар зэхэж байна. Сүүлийн үеийн задраад буй мэдээллүүдээс үзэхэд, тус компани 2026 оны есдүгээр сард iPhone 18 Pro загварын цувралтай зэрэгцүүлэн нугардаг дэлгэцтэй шинэ iPhone-оо танилцуулж магадгүй байна.
Энэхүү шинэ төхөөрөмж нь ном шиг онгойдог загвартай байх төлөвтэй байгаа юм. Одоогоор тус бүтээгдэхүүний нэршлийн талаар тодорхой шийдвэр гараагүй байгаа бөгөөд iPhone Fold эсвэл iPhone Ultra гэх мэт нэрс яригдаж байна.
Үнийн хувьд уг шинэ загвар нь 2000 ам. доллароос дээш үнэтэй байх магадлалтай байгааг эх сурвалжууд онцолж байна. Apple-ийн энэхүү алхам нь зах зээл дэх нугардаг дэлгэцтэй утасны өрсөлдөөнд томоохон байр суурь эзлэх сонирхолтой байгааг харуулж байна.
