Beastie Boys хамтлаг бол 90-ээд оны залуусын дунд маш их алдартай байсан, одоо ч гэсэн олон хүмүүсийн сонсох дуртай Америкийн хип хоп хамтлаг билээ. Тэгвэл тус хамтлагийн гишүүн Майк Ди хөвгүүдтэйгээ хамт гэнэтийн тоглолт хийснийхээ дараахан өөрийн цахим хуудсаараа дамжуулан удахгүй болох шоуныхоо талаар зарласан байна. Тэрбээр “Болж байна. Шоу. Шинэ хөгжим. Өөрчлөлт. Явлаа даа” гэх утгатай зурвасыг нийтэлжээ.
Майк Дигийн хөвгүүдтэйгээ хийсэн гэнэтийн тоглолт Нью-Йорк хотноо болсон бөгөөд энэ үеэр Beastie Boys хамтлагийн сонгодог дуунуудаас тоглосон байна. Тоглолтын бичлэгүүд цахим орчинд тархаж, Beastie Boys-ын фэнүүдийг ихэд баярлуулсан юм.
Майк Ди-гийн удахгүй болох шоуны талаар дэлгэрэнгүй мэдээлэл хараахан гараагүй байгаа ч, түүний энэ мэдэгдэл нь фэнүүдийн дунд маш их хүлээлт үүсгээд байна. Тэрээр шинэ хөгжим гаргахаа ч бас дуулгасан нь бүр ч их анхаарал татаж байна. Beastie Boys хамтлаг тарсанаас хойш Майк Ди бие даасан уран бүтээл хийж, хэд хэдэн төсөл дээр ажиллаж байсан. Гэхдээ түүний энэ удаагийн шоу нь фэнүүдийн хувьд маш том бэлэг байх болно гэдэгт итгэлтэй байна.
