2000-аад оны үед “Because I Got High” дуугаараа олонд танигдаж, хайртай уран бүтээлчдийн нэг болсон реппер Афроман (Afroman) өдгөө өөр нэгэн шалтгаанаар олны анхааралд өртөөд байна. Тэрээр инээдмийн чиглэлийн реп урсгалаар уран бүтээлээ туурвидаг нэгэн юм.
Түүний амьдралд тохиолдсон гэнэтийн үйл явдал буюу гэрт нь хийсэн цагдаагийн нэгжлэг болон түүнийг дагасан өнгөлөг, сонирхолтой шүүх хурал нь түүнийг огт өөр дүр төрхтэй болгожээ. Олон нийтийн дунд инээдмийн реппер гэдгээрээ танигдсан тэрээр энэхүү үйл явдлын улмаас үзэл бодлоо илэрхийлэх эрх чөлөөний төлөөх “First Amendment” буюу Үндсэн хуулийн нэгдүгээр нэмэлт өөрчлөлтийн төлөө тэмцэгч болон хувирсан байна.
Rolling Stone сэтгүүлийн мэдээлснээр, Афроман нь өөрийн бүтээлч байдлаа ашиглан хуулийн асуудалтай холбогдсон үйл явдлыг олон нийтэд хүргэж, үзэл бодлоо илэрхийлэх эрх чөлөөг хамгаалахын төлөө зогсож байгаа нь түүнийг гэнэт “эрх чөлөөний баатар” болгоход хүргэжээ.
