BTS хамтлагийн долоон гишүүн Run BTS 2.0 шоуны хамгийн сүүлд цацагдсан дугаартаа пиклболын тэмцээн зохион байгуулж, өрсөлдөөнт уур амьсгалыг үзүүллээ. Тэд теннис, бадминтон болон ширээний теннисний элементүүдийг нэгтгэсэн тус цохиурт спортоор хичээллэж, хоорондоо өрсөлдсөн байна.
Өмнө нь сонирхлоороо пиклбол тоглож байсан V, j-hope нар бусад гишүүдээ бодвол талбайд илүү дасаж, тухтай харагдаж байсан бол гишүүд давуулалт бэлдэж, тоглоомын арга барилд хурдан суралцжээ.
Тэмцээний эхний тоглолтод RM, Jin нарын “Team Kim-Kim” баг Jimin, Jung Kook нарын бүрэлдэхүүнтэй “Team Kim Seokjin” багийн эсрэг тоглосон юм. Уг тоглолтод “Team Kim Seokjin” баг ялалт байгуулж, шигшээ шатанд шалгарчээ. Үүний дараагийн шатанд тэдэнтэй хэн өрсөлдөхийг шийдэх тоглолтод j-hope ганцаараа V болон Suga нарын эсрэг талбайд гарсан байна.
Түүнчлэн гишүүд тэмцээний ялагдагчид оноох хөгжилтэй шийтгэлийн талаар ярилцсан бөгөөд дугаарын төгсгөлд болсон тоглолтуудаа дүгнэж, энэхүү тоглоомыг цаашид илүү урт хугацааны төсөл болгон үргэлжлүүлэх боломжийн талаар ярилцжээ.
