АНУ-ын харилцаа холбооны томоохон үйлчилгээ үзүүлэгч Charter компанийн хувьцааны ханш огцом өсөж байна. Энэхүү өсөлт нь тус компани сансрын технологийн SpaceX корпорацтай хамтран ажиллах магадлалтай байгаатай холбоотой гэж шинжээчид үзэж байна.
SpaceX-ийн эзэмшдэг Starlink нь дэлхий даяар хиймэл дагуулын интернет үйлчилгээг үзүүлдэг технологийн компани юм. Тус компани нь утасгүй холбооны зах зээлд нэвтрэх хэд хэдэн хувилбарыг судалж байгаа бөгөөд Charter-тай хамтрах нь тэдний нэг байж болзошгүй байна. Энэхүү нөхцөл байдлыг зах зээлийн шинжээчид Charter болон SpaceX-ийг “найз бөгөөд өрсөлдөгч” (frenemies) болж байна хэмээн тодорхойлжээ.
Энэхүү мэдээлэл гарсантай зэрэгцэн харилцаа холбооны салбарын бусад компанийн хувьцааны ханш уналттай байна. Одоогоор талуудын хооронд албан ёсны түншлэлийн гэрээ байгуулагдсан эсэх нь тодорхойгүй байгаа ч зах зээлийн оролцогчид энэхүү боломжит хамтын ажиллагааг анхааралтай ажиглаж байна.
