Крипто валютын салбарт дахин нэг том халдлага болж, Echo Protocol хэмээх платформ $77 сая долларын хохирол амслаа. Хакерууд eBTC хэмээх тусгай крипто валютыг хулгайлсан бөгөөд гол нь удирдлагын эрх бүхий нууц кодыг эвдэж орсон байна.
Echo Protocol нь крипто валютын зах зээлд шинээр гарч ирж буй DeFi (Decentralized Finance буюу Төвлөрсөн бус Санхүү) протокол юм. Тэдний eBTC нь Bitcoin-той уялдсан, өөрөөр хэлбэл Bitcoin-ы үнэ цэнийг дагаж өсөж буурдаг крипто валют юм.
Халдлагаас хойш хакерууд хулгайлсан мөнгөнийхөө бараг 5%-ийг Tornado Cash хэмээх арилжааны нууцлалыг сайжруулагч платформоор дамжуулан “угаасан” байна. Үлдсэн 955 eBTC нь хакеруудын хяналтад байгаа бөгөөд цаашид яах нь тодорхойгүй байна.
Крипто валютын аюулгүй байдал маш чухал гэдгийг энэ хэрэг дахин нэг удаа сануулж байна. Ялангуяа DeFi протоколууд нь хакеруудын хувьд маш сонирхолтой бай болдог. Учир нь тэдгээр нь ихэвчлэн шинэ технологи дээр суурилсан, аюулгүй байдлын цоорхойтой байх магадлалтай байдаг.
Одоогоор Echo Protocol энэ хэргийг шалгаж байгаа бөгөөд хакеруудыг олж, мөнгийг буцааж авахын тулд бүх хүчин чармайлтаа гаргаж байна. Энэ халдлага нь крипто валютад хөрөнгө оруулагч залуучууд бид бүхэн аюулгүй байдлыг хэрхэн хангах, мөн ямар эрсдэлүүд байгааг үргэлж анхааралдаа авах ёстойг сануулж байна.
