Өмнөд Солонгосын алдартай хөвгүүдийн хамтлаг ENHYPEN Мексик улсад анх удаа тоглолтоо хийж, тус улсын үзэгчдийн эрч хүчийг мэдэрлээ. Мексик хотын Аренад хоёр өдрийн турш үргэлжилсэн тоглолтын үеэр нийт 22,000 үзэгч цугларчээ.
Хамтлагийн гишүүд болох Жонвон, Жэй, Жэйк, Сүнхүн, Сүнү болон Ни-ки нар хэлний бэрхшээлийг үл харгалзан Мексикийн "Engene" буюу өөрсдийн шүтэн бишрэгчидтэйгээ гүн гүнзгий холбоо тогтоохыг зорьсон байна. Тоглолтын үеэр үзэгчид Луис Фонси болон Дэдди Янки нарын "Despacito", уламжлалт "Cielito Lindo" дуунуудыг хамтлагтайгаа хамт дуулсан бол "Payaso de Rodeo" дууны хэмнэлд бүжиглэжээ.
Мөн хамтлагийн гишүүн Жонвон Мексикийн дуучин Хумбегийн "Amor de Cine" дууг дуулж, бичлэгээ TikTok хуудсандаа байршуулсан байна. Тоглолтын үеэр гишүүн Ни-ки Мексикийн хөлбөмбөгийн шигшээ багийн өмсгөлийг өмсөж гарч ирсэн бол Жэйк Мексикийн соёл, хоолны соёл, ялангуяа Дэлхийн хөлбөмбөгийн аварга шалгаруулах тэмцээний үеэр тус улсад мэдрэгдсэн баярын уур амьсгалыг өндрөөр үнэлж буйгаа илэрхийлжээ.
Тэдний "Blood Saga" аялан тоглолтын хүрээнд зохион байгуулагдсан энэхүү тоглолт нь хамтлагийн Латин Америк дахь анхны айлчлал болсон юм. Тоглолтын төгсгөлд тэд өөрсдийн найм дахь мини цомог болох "THE SIN: BLISS"-ийг наймдугаар сарын 21-нд гаргахаар төлөвлөж буйгаа үзэгчдэдээ дуулгалаа.
