Дэлхийн тоглоом сонирхогчдын тэсэн ядан хүлээж буй GTA 6 тоглоомын талаарх шинэ мэдээлэл гарлаа. Алдарт Rockstar Games компани тоглоомын суурь хувилбарыг 100 долларын үнэтэй болгох нь хэрэглэгчдийн хувьд хэт өндөр, айдас төрүүлэм үнэ гэж үзэж байгаа аж.
Иймд тус компани үнийн бодлогодоо өөрчлөлт оруулахаар төлөвлөж байна. Тодруулбал, тоглоом доторх зарим дэлгүүрүүдийг зөвхөн илүү үнэтэй, тусгай буюу "deluxe" хувилбарт түгжих замаар үнийн бүтцээ өөрчлөхөөр оролдож байна.
Энэхүү шийдвэр нь суурь хувилбарын үнийг хэвийн түвшинд барихын зэрэгцээ, илүү өргөн боломж бүхий хувилбаруудыг санал болгох гэсэн Rockstar-ын өвөрмөц арга гэж ойлгогдож байна.
