Нууц үг хадгалах, удирдах үйлчилгээгээрээ танигдсан LastPass компани дахин нэгэн кибер халдлагад өртөж, хэрэглэгчдийнхээ мэдээллийг алдсан байна. Энэ удаагийн асуудал нь тус компанийн технологийн түнш болох Klue компанид гарсан мэдээллийн аюулгүй байдлын зөрчлөөс үүдэлтэй аж.
Эх сурвалжийн мэдээлснээр, хакерууд LastPass-ийн хэрэглэгчийн дэмжлэг үзүүлэх албаны мэдээллийн санд хандаж, холбогдох мэдээллүүдийг хулгайлсан байна. Энэ нь сүүлийн хэдэн жилийн хугацаанд LastPass-ийн хэрэглэгчдэд нөлөөлсөн хоёр дахь томоохон мэдээллийн алдагдал болж байна.
Одоогоор тус компанид гарсан халдлагын талаарх дэлгэрэнгүй мэдээлэл хязгаарлагдмал байгаа бөгөөд нөхцөл байдлыг тодруулахаар ажиллаж байна.
