АНУ-ын Сансар судлалын агентлаг буюу NASA нь сансарт хөгширч буй телескопоо дэлхий рүү унахаас сэргийлэх зорилгоор эрсдэлтэй аврах ажиллагааг эхлүүлэхээр зэхэж байна. Энэхүү төслийн хүрээнд Swift нэртэй сансрын дуранг илүү өндөр тойрог замд шилжүүлж, ажиллагааг нь үргэлжлүүлэхээр төлөвлөжээ.
NASA энэхүү ажлыг гүйцэтгүүлэхээр Katalyst Space Technologies хэмээх гарааны компанийг хөлсөлсөн байна. Уг аврах ажиллагаа 30 сая ам.долларын өртөгтэй бөгөөд энэ долоо хоногоос эхлэн хэрэгжиж магадгүй байгаа юм. Төлөвлөгөөний дагуу Katalyst компанийн бүтээсэн гурван гар бүхий робот хөлөг Swift телескопыг хөөж, түүнийг илүү өндөр тойрог зам руу түлхэх юм.
Swift телескоп нь орчлон ертөнц дэх хамгийн том дэлбэрэлтүүдийг ажиглах үүрэгтэй бөгөөд робот хөлөг уг атоллын бүсээс хөөрсний дараа аврах ажиллагаа үргэлжилнэ. Энэхүү ажиллагаа нь сансрын хөлгийг аврах зоригтой алхам болж байгаа бөгөөд телескопыг дахин ашиглах боломжийг бүрдүүлэх юм.
