Хөзрийн цуглуулагчдын дунд хүлээлт үүсгээд буй Pokémon TCG Mega Evolution Delta Reign багцын урьдчилсан захиалгын үнэ буурч эхэллээ. Аравдугаар сарын 13-ны байдлаар Walmart платформ дээрх гуравдагч худалдагч Cataclysm Games уг цуглуулгын багцыг 54.49 ам.доллар-оор санал болгож байна. Энэ нь анхны 79.99 ам.долларын үнээс даруй 25.50 ам.доллароор хямдарсан дүн юм.
Энэхүү хямдрал нь бусад худалдааны платформуудтай харьцуулахад харьцангуй боломжийн үнэ болж байна. Тухайлбал, Amazon дээр Collectors Expedition борлуулагчаар дамжуулан уг багцыг 64.45 ам.доллароор урьдчилан захиалах боломжтой байгаа бол өнгөрсөн долоо хоногт Amazon дээр хамгийн хямд үнэ нь 74.99 ам.доллар байжээ.
Түүнчлэн Walmart-ын энэхүү үнэ нь хөзөр цуглуулагчдын гол платформ болох TCGplayer дээрх зах зээлийн тооцоолсон үнэ болох 73.20 ам.доллар болон тус сайтын хамгийн хямд зар болох 72.38 ам.доллароос доогуур байна.
Нэг хайрцагтаа Delta Reign цувралын зургаан багц (pack) агуулдаг тул Walmart-ын 54.49 ам.долларын үнээр тооцвол нэг багц нь ойролцоогоор 9.08 ам.доллар болж байгаа юм. Харин TCGplayer дээр нэг багцын хамгийн хямд үнэ 13.40 ам.доллар байгаа нь нэг багц бүрээс 4.32 ам.доллар хэмнэх боломж олгож байна. Багц бүрд нийт 135 гаруй картын цуглуулгаас сонгогдсон 10 карт, нэг Basic Energy карт болон Pokémon TCG Live тоглоомын код багтдаг байна.
