Монголын залуусын дунд нэр хүндтэй RAGEFLOWER хамтлаг Австралийн Weird Fishes хөгжмийн студитэй гэрээ байгуулсан тухайгаа өнөөдөр зарлалаа. Weird Fishes нь Австралийн хөгжмийн салбарт Boy & Bear, Tim Hart, The Dreggs, Steph Strings, Pete Murray зэрэг олон алдартай уран бүтээлчдийг дэмжин ажилладаг нэр хүндтэй студи юм.
RAGEFLOWER хамтлаг нь Монголын рок, альтернатив хөгжмийн ертөнцөд өөрийн гэсэн өнгө төрх, эрч хүчтэй хөгжмөөрөө танигдсан бөгөөд олон улсын зах зээлд өөрсдийгөө таниулах зорилготойгоор энэхүү хамтын ажиллагааг эхлүүлж байна. Тэдний хөгжмийг Монголын уламжлалт хөгжмийн зэмсэг, орчин үеийн хөгжмийн урсгалтай хослуулсан нь онцгой содон болгодог.
Энэхүү гэрээ нь RAGEFLOWER хамтлагт Австрали болон дэлхийн бусад орнуудад өөрсдийн уран бүтээлээ түгээх, тоглолт хийх, шинэ фенүүдтэй болох боломжийг нээж өгч байна. Weird Fishes студийн зүгээс RAGEFLOWER хамтлагийн хөгжмийн өвөрмөц хэв маягийг үнэлж, тэднийг дэлхийн хэмжээнд танигдах боломжтой гэж үзэж байгаагаа илэрхийлсэн.
Залуу уран бүтээлчдийн хувьд олон улсын зах зээлд гарах нь том боломж бөгөөд RAGEFLOWER хамтлагийн энэхүү амжилт нь бусад Монгол хөгжимчдөд урам зориг өгөх биз ээ. Бид RAGEFLOWER хамтлагт амжилт хүсэж, цаашдын уран бүтээлд нь өндөр амжилт хүсье!
