Sex Pistols бол 1970-аад оны сүүл үеэр панк рок хөдөлгөөнийг эхлүүлсэн Британийн алдартай хамтлаг юм. Тэдний хөгжим нь эрх чөлөө, эсэргүүцэл, залуучуудын дуу хоолой болж байсан билээ.
Тус хамтлагийн гишүүн асан Глен Мэтлок саяхан Billboard сэтгүүлд өгсөн ярилцлагадаа шинэ хөгжмийн төслүүд, аялан тоглолтын талаар болон түүний залуу насыг харуулсан “I Was a Teenage Sex Pistol” баримтат киноны тухай дэлгэрэнгүй ярьжээ. Уг кино 5-р сарын 26-наас Apple TV болон Prime Video-гоор цацагдаж эхлэх юм байна.
Мэтлок ярилцлагадаа шинэ хөгжмөө фэнүүддээ хүргэхээр тэсэн ядан хүлээж байгаагаа илэрхийлээд, аялан тоглолтын үеэр хуучны дуунуудаа тоглохоос гадна шинэ уран бүтээлүүдээ танилцуулахаа онцолсон байна. Түүнчлэн “I Was a Teenage Sex Pistol” кино нь түүний залуу нас, Sex Pistols хамтлагт хэрхэн нэгдсэн тухай сонирхолтой түүхийг өгүүлэх болно гэдгийг дурджээ.
Панк рокийн домог болсон Sex Pistols хамтлагийн гишүүн Глен Мэтлокын шинэ уран бүтээлүүд болон түүний тухай баримтат кино залуу үеийнхний сонирхлыг ихээр татах байх гэдэгт итгэлтэй байна.
