Цахилгаан автомашин үйлдвэрлэгч Slate Auto компани өөрсдийн шинэ загварын цахилгаан пикап автомашины захиалгын системийг нээлээ. Тус компани нь 25 мянган ам.долларын үнэ бүхий цахилгаан пикап үйлдвэрлэхээр төлөвлөж буй бөгөөд одоо хэрэглэгчид өөрсдийн хүссэн тохиргоогоор автомашинаа угсрах боломжтой болсон байна.
Захиалгын системд дурдсанаар, хэрэглэгчид энгийн хийцтэй пикап загвараас эхлээд бүрэн тоноглосон, гадна талыг нь өөрчилсөн SUV загвар хүртэлх олон сонголтыг хийх боломжтой юм. Энэхүү сонголтууд нь автомашины эцсийн өртөгт шууд нөлөөлөх ажээ.
Технологийн салбарт үйл ажиллагаа явуулдаг Slate Auto компанийн энэхүү шийдвэр нь хэрэглэгчдэд өөрийн хэрэгцээнд нийцсэн цахилгаан автомашиныг захиалах боломжийг олгож байна.
