Америкийн “The Boys” хэмээх супер баатруудын тухай харгис комеди цуврал нь дэлхий даяар, тэр дундаа Монголд ч гэсэн олон шүтэн бишрэгчтэй билээ. Гэвч зарим шүтэн бишрэгчид цувралын хэтэрхий зөөлөн, тулааны хэсгүүд хангалтгүй байна гэж шүүмжилж байгаа юм байна.
Энэхүү шүүмжлэлд хариулж, цувралын найруулагч Эрик Крипке NME-д өгсөн ярилцлагадаа “Хэрэв танд энэ цуврал таалагдахгүй байгаа бол та буруу кино үзээд байна гэсэн үг. Тулаан, хэрүүл зодоон л байнга гарч байвал кино ямар ч утгагүй болно” гэж мэдэгджээ.
Тэрээр мөн киноны гол зорилго нь зөвхөн үзэгчдийг зугаацуулах бус, нийгэмд тулгамдаж буй асуудлуудыг хөндөж, шүүмжлэхэд оршдог гэдгийг онцолсон байна. “The Boys” цуврал нь супер баатруудын дүр төрхийг эсрэгээр нь харуулж, тэднийг ашиг хонжоо хайсан корпорацийн бүтээгдэхүүн болгон дүрсэлдэгээрээ онцлогтой.
Крипкегийн хэлснээр, цувралын дараагийн ангиудад ч мөн адил нийгмийн шүүмжлэл, хар хумор, дүрүүдийн хөгжилд анхаарлаа хандуулах болно. Тэрээр шүтэн бишрэгчдээ цувралыг зөвхөн тулааны хэсгүүдээр нь бус, агуулга, санааг нь ойлгож үзэхийг уриалжээ.
