Америкийн хип хоп ертөнцийн томоохон төлөөлөгчдийн нэг, YG нэрээрээ алдаршсан рэппер Кинан Жаэксон шинэ цомгоо удахгүй гаргахаар болсноо зарлаад байна. Түүний “The Gentlemen’s Club” нэртэй цомог хэзээ худалдаанд гарах нь одоогоор тодорхойгүй байгаа ч фэнүүд нь тэсэн ядан хүлээж байгаагаа илэрхийлсээр байна.
YG нь зөвхөн цомог гаргахаар төлөвлөөд зогсохгүй, 10K Projects хэмээх бие даасан дуу бичлэгийн компанитай хамтран ажиллахаар болжээ. 10K Projects нь 6ix9ine, Trippie Redd зэрэг олон алдартай рэпперүүдтэй хамтран ажиллаж байсан туршлагатай. Энэхүү хамтын ажиллагаа нь YG-ийн уран бүтээлийг дэлхий дахинд илүү өргөн хүрээнд таниулахад чухал нөлөө үзүүлнэ гэж үзэж байна.
YG-ийн хувьд “My Krazy Life”, “Still Brazy”, “Stay Dangerous” зэрэг олон амжилттай цомгуудаараа хип хоп сонирхогчдын танил болсон уран бүтээлч юм. Түүний хит дуунууд болох “Big Bank”, “Who Do You Love?” зэрэг нь Billboard-ийн чартуудыг тэргүүлж байсан билээ. Тэрээр гангста рэп стилиэрээ ялгардаг бөгөөд уран бүтээлдээ баруун эргийн амьдралыг тусгасан байдаг.
Энэхүү шинэ цомог нь YG-ийн уран бүтээлийн замналд шинэ хуудас нээх болов уу гэсэн хүлээлт фэнүүдийн дунд үүсгээд байна.
