Young Thug болон түүний YSL Records хамтран баасан гарагийн орой (8-р сарын 28) "Slime Language 3" хэмээх хос цомгоо гэнэт цацлаа. Нийт 41 дуу бүхий, хоёр цаг гаруй үргэлжлэх тус төсөлд YSL-ийн уран бүтээлчдээс гадна Lil Baby, Travis Scott, Future, Yeat, Trippie Redd, Cash Cobain, Veeze, Rob49 зэрэг олон алдартай уран бүтээлчид хамтран ажиллажээ. Мөн цомогт багтсан YSL-ийн туршлагатай болон шинэ залуу уран бүтээлчдийн дунд Lil Keed, diamond*, Tezzus, Pz’, Sk8star, 1300SAINT, Yung Kayo, Biggs, iyrus, Yume, Lil Unky, Unfoonk нар багтсан байна.
"Slime Language 3" нь YSL-ийн 2018 оны "Slime Language" төслөөр эхэлж, 2021 оны "Slime Language 2"-оор үргэлжилсэн цомгийн гурамсан цувралын хамгийн сүүлийнх нь юм. Энэхүү цувралын эхний төсөл Billboard 200 жагсаалтын 8-р байранд орж байсан бол удаах цомог нь тус жагсаалт болон Top R&B/Hip-Hop Albums чартыг хоёуланг нь тэргүүлж байв. "Slime Language 2" цомгийн хамгийн том хоёр бүтээл нь Young Thug болон Gunna нарын Дрейктэй хамтарсан "Solid", мөн тэдний "Ski" дуу байсан бөгөөд хоёул Billboard Hot 100 чартын шилдэг 20-д багтаж байжээ.
Харин шинэ цомогт Gunna оролцоогүй бөгөөд тэрбээр тус лейблийг ороосон эрүүгийн хэргийн (RICO) дараа Young Thug-тай харилцаа нь муудсанаар 2025 оны "The Last Wun" цомгоороо YSL-тэй хийсэн гэрээт үүргээ биелүүлж дуусгасан юм. Young Thug-ийн хувьд 2024 оны 10-р сард Атлантагийн гудамжны бүлэглэлийг удирдсан гэх эрүүгийн хэрэгт гэм буруугаа хүлээн зөвшөөрснийхөө дараа 15 жилийн тэнсэн харгалзах ял сонсож, шоронд хоригдох ял аваагүй бөгөөд 2025 оны 9-р сард "UY Scuti" хэмээх анхны цомгоо гаргаж байжээ.
