Өнөө үед YouTube-ийн зар сурталчилгаа хэрээс хэтэрч, үзэгчдийг төвөгшөөж байна. Видео үзэх бүртээ хэд хэдэн зар сурталчилгаа үзэх шаардлагатай болдог нь хэрэглэгчдийн тэвчээрийг барж байгаа билээ. Энэхүү асуудлыг шийдвэрлэхийн тулд YouTube нь төлбөртэй хоёр төрлийн үйлчилгээг санал болгож байна: YouTube Premium болон YouTube Premium Lite.
YouTube Premium нь зар сурталчилгаагүйгээр видео үзэх, видеог татаж авах, мөн YouTube Music-ийг ашиглах боломжийг олгодог. Харин YouTube Premium Lite нь арай хямд үнэтэй бөгөөд зөвхөн зар сурталчилгаагүйгээр видео үзэх боломжийг л олгоно. Бусад нэмэлт боломжууд болох видео татаж авах, YouTube Music-ийг ашиглах боломжгүй.
Fast Company (Америкийн бизнесийн сэтгүүл) мэдээлснээр, олон хэрэглэгчид YouTube-ийн үнэгүй хувилбарыг ашиглах нь тэвчээр шавхсан ажил болж байгаа тул төлбөртэй хувилбарыг сонгохоос өөр аргагүй болж байна гэж үзэж байна. YouTube-ийн зар сурталчилгааны бодлого нь хэрэглэгчдийг төлбөртэй үйлчилгээ авахад хүргэх зорилготой байж болох юм.
Тэгвэл залуус та бүхэн YouTube-ийн зар сурталчилгаанд хэрхэн хандаж байна вэ? YouTube Premium эсвэл YouTube Premium Lite-ийг ашиглах нь зөв үү? Эсвэл зар сурталчилгааг тэвчээртэйгээр үзэж, үнэгүй хувилбарыг ашиглах нь дээр үү? Өөрийн бодлоо бидэнтэй хуваалцаарай.
