Видео тоглоомын ертөнцөд өөрийн байр суурийг хэдийнээ эзэлсэн, аймшгийн жанрын хамгийн алдартай тоглоом 'Dead by Daylight' удахгүй кино театруудад гарах нь тодорхой боллоо. Энэхүү тоглоом нь тоглогчдыг цуврал алуурчин болон амьд үлдэхийг хичээгчдийн хоорондох аймшигт тулаанд оруулдаг онцлогтой бөгөөд дэлхий даяар сая сая шүтэн бишрэгчтэй юм.
Тус киног найруулагч Тордур Палссон удирдан чиглүүлэхээр болсон бол зохиолыг 'The Conjuring' буюу аймшгийн киноны ертөнцөд томоохон байр суурь эзэлдэг цувралын зохиолч Дэвид Лесли Жонсон-Макголдрик бичихээр болжээ. 'The Conjuring' нь бодит явдлаас сэдэвлэсэн сүнстэй байшин, ер бусын үзэгдлүүдийг харуулдаг, үзэгчдийг айдаст автуулдаг чанараараа алдартай цуврал кино юм. Энэхүү баг бүрэлдэхүүн нь тоглоомын аймшигтай, хүчтэй уур амьсгалыг кино дэлгэцнээ хэрхэн буулгах вэ гэдэг нь олон нийтийн дунд хүлээлт үүсгээд байна.
'Dead by Daylight' нь зөвхөн тоглоомын явцаараа бус, алдартай аймшгийн кинонуудын дүрүүдийг (жишээ нь: Halloween, Scream) өөртөө нэгтгэдэг гэдгээрээ алдартай. Иймд кино хувилбар нь ч мөн адил аймшгийн киноны шүтэн бишрэгчдийн хувьд томоохон үйл явдал болох төлөвтэй байна. Одоогоор киноны зураг авалт болон нээлтийн тов хараахан зарлагдаагүй байгаа ч, энэхүү төсөл нь тоглоомыг кино урлагтай холбосон томоохон амжилтуудын нэг болох нь лавтай.
