Fast Company сэтгүүлийн мэдээлснээр, Америкийн корпорациудад ажиллаж буй дунд үеийн эмэгтэйчүүдийн дунд томоохон өөрчлөлт ажиглагдаж байна. Хэдийгээр тэд өөрсдийн хүсэж байсан “мөрөөдлийн ажил”-даа хүрсэн ч, дотоод сэтгэлд нь “Би зөв сонголт хийсэн үү?”, “Би үүнийг насан туршдаа хийж чадах уу?”, “Надад илүү ихийг хийх хүсэл байна” гэх мэт эргэлзээ төрөх болжээ.
Энэхүү дотоод зөрчил нь амьдралын томоохон өөрчлөлтүүдтэй давхцдаг байна. Тухайлбал, 30 болон 40 орчим насны эмэгтэйчүүд нэгэн зэрэг хүүхдээ өсгөх, орон сууцны зээлээ төлөх, мөн өөрсдийг нь өсгөсөн эцэг эхээ асрах зэрэг олон үүрэг хариуцлагыг давхар үүрч байна.
Эдгээр ачаалал болон эргэлзээ нь тэднийг карьерын замналаа үргэлжлүүлэх эсвэл одоогийн ажлаа орхиж, өөрийн гэсэн зүйлийг бүтээх гэсэн чухал шийдвэрийн өмнө авчирдаг байна. Энэхүү шилжилт нь зүгээр нэг ажлын байраа солих бус, харин өөрийн хүсэл сонирхолд нийцсэн хувийн бизнес эрхлэх сонголт руу чиглэж байгаа нь анхаарал татаж байна.
