АНУ-ын хиймэл оюун ухааны салбарт тэргүүлэгч Anthropic компанийн үйлчилгээг Хонконг дахь JPMorgan Chase болон Goldman Sachs банкны ажилтнууд ашиглах боломжгүй болсон байна. Эдгээр санхүүгийн байгууллагууд Anthropic-ийн ашиглалтын нөхцөлийг чанд мөрдөж, уг шийдвэрийг гаргажээ.
Тодруулбал, Goldman Sachs дөрөвдүгээр сард, харин JPMorgan Chase өнгөрсөн долоо хоногт Anthropic-ийн хиймэл оюун ухааны загваруудыг ашиглах эрхийг хязгаарласан байна. Энэхүү шийдвэр нь Вашингтоноос Хятад улсад Америкийн дэвшилтэт хиймэл оюун ухааны загваруудыг ашиглах боломжийг хязгаарласан хатуу бодлоготой холбоотой юм.
Энэхүү үйл явдал нь Хятадын хиймэл оюун ухааны салбарт томоохон сурталчилгаа болж байна гэж үзэж байгаа аж. Anthropic нь хиймэл оюун ухааны салбарт анхдагч гэгддэг Америкийн компани юм.
