Поп од Ариана Гранде өөрийн "Eternal Sunshine" аялан тоглолтын Лондон дахь зогсоолынхоо өмнө кантри хөгжмийн домогт дуучин Долли Партоны дурсгалыг хүндэтгэжээ.
Лондоны O2 arena-д цугласан үзэгчдэд зориулан Ариана Гранде тайзан дээр гарахаас өмнө Долли Партоны алдарт "I Will Always Love You" дуугаа дуулж буй бичлэгийг дэлгэцээр үзүүлсэн байна. Өнгөрсөн мягмар гарагт 80 насандаа таалал төгссөн кантри одны дурсгалд зориулсан энэхүү бичлэгийг тоглолтын дундуур бус, харин шоу албан ёсоор эхлэхээс өмнө гаргаж, үзэгчдэд хүндэтгэл үзүүлэх боломж олгожээ. Уг бичлэг дууссаны дараа Ариана Гранде тайзан дээр гарч тоглолтоо эхлүүлсэн байна.
"I Will Always Love You" дууг Долли Партон анх 1974 онд бичиж, бичүүлж байсан бөгөөд хожим 1992 оны "The Bodyguard" киноны хүрээнд Уитни Хьюстоны дуулснаар дэлхий даяар алдаршсан түүхтэй.
Энэхүү тоглолт нь Ариана Грандегийн 2019 оноос хойших анхны томоохон аялан тоглолт юм. Түүний аялан тоглолт 9 дүгээр сарын 1-нд дуусах бөгөөд үүний дараа тэрээр олон нийтийн анхаарлаас түр холдож, завсарлага авахаар төлөвлөжээ. Наймдугаар сарын 2-ны мэдэгдэлд дурдсанаар, тэрээр тоглолтоо амжилттай, эрүүл саруул дуусгаад олон нийтэд чиглэсэн ажлуудаасаа түр завсарлах хүсэлтэй байгаа аж.
