ОХУ-ын Ерөнхийлөгч Владимир Путин лхагва гарагт Африкийн удирдагчдад хандан үг хэлэхдээ Орос улс бол тэдний хамгийн сайн түнш хэмээн мэдэгдлээ. Тэрбээр Барууны орнуудыг колоничлогч чанараа хадгалж, тус тивийн баялгийг мөлжих гэж оролдсоор байгаа төдийгүй өр зээлийг ашиглан хөгжлийг нь боомилж байна хэмээн буруутгасан байна.
Энэхүү мэдэгдлийг тэрбээр Москва хотноо зохион байгуулагдаж буй Орос-Африкийн гурав дахь удаагийн дээд хэмжээний уулзалт дээр хийжээ. Хоёр өдөр үргэлжлэх тус чуулганд Африкийн 48 улсын төр, засгийн төлөөлөгчид оролцож байна.
Уулзалтын үеэр Кремлийн тэргүүн арга хэмжээнд хүрэлцэн ирсэн бие даасан 22 удирдагчийн олонтой нь ганцаарчилсан яриа хэлэлцээ хийхээр төлөвлөжээ.
