Холливуудын хамгийн эрэлттэй найруулагчдын нэг, “Барби” киногоороо дэлхийг шуугиулсан Грета Гервиг дараагийн томоохон төслөө зарлалаа. Тэрээр Клайв Стейплз Льюисийн хүүхдийн зохиолын сонгодог бүтээл болох “Нарниагийн Шавь” (The Magician's Nephew) номоор кино хийхээр болсон байна. Кино 2027 онд нээлтээ хийхээр төлөвлөгдөж байгаа аж.
“Нарниагийн Шавь” бол “Нарниагийн түүхүүд” цувралын эхний ном бөгөөд Нарниагийн ертөнцийн үүсэл, арслан Асланы тухай өгүүлдэг. Кинонд хэн хэн тоглох нь аль хэдийн тодорхой болжээ. Даниел Крэйг, Мерил Стрип, Эмма Макки, Кэри Маллиган зэрэг одод багтсан нь киноны чансааг улам өргөж байна.
Грета Гервиг бол орчин үеийн кино урлагийн хамгийн сонирхолтой, шинэлэг найруулагчдын нэг юм. Түүний “Lady Bird”, “Little Women”, “Barbie” зэрэг кинонууд нь шүүмжлэгчдээс өндөр үнэлгээ авч, үзэгчдийн зүрх сэтгэлд хоногшсон билээ. Түүнийг хүүхдийн уран зохиолын сонгодог бүтээлийг хэрхэн дэлгэцэнд амилуулах нь олон нийтийн анхаарлыг татаж байна.
“Нарниагийн Шавь” кино нь Нарниагийн ертөнцөд шинээр хөл тавьж буй үзэгчдэд төдийгүй, тус ертөнцөд хайртай хүмүүст ч гэсэн гайхалтай бэлэг барих нь дамжиггүй.
