Кантри хөгжмийн хатан хаан гэгддэг, Америкийн нэрт дуучин, хөгжмийн зохиолч Долли Партон эрүүл мэндийн шалтгаанаар Лас Вегас хотод хийхээр төлөвлөсөн тоглолтоо цуцалсан тухайгаа мэдэгдлээ. 78 настай Долли Партон өөрийн цахим хуудсаар дамжуулан фэнүүддээ хандан “Миний бие өдрөөс өдөрт сайжирч байгаа. Надад тулгарсан асуудал бүрийг эмчлэх боломжтой” гэжээ.
Тэрээр өнгөрсөн жил “Rockstar” нэртэй рок цомог гаргаж, хөгжмийн ертөнцөд шуугиан тариад байсан юм. Түүний Лас Вегас дахь тоглолт цуцлагдсан нь фэнүүдийг нь багагүй харамсалтай болгосон ч, Долли Партоны эрүүл мэнд юу юунаас илүү чухал гэдгийг тэд ойлгож байгаагаа илэрхийлсэн байна.
Долли Партон кантри хөгжмийн ертөнцөд оруулсан хувь нэмрээрээ олон сая хүний хайр хүндэтгэлийг хүлээсэн бөгөөд түүний дуунууд нь олон арван жилийн турш хит болсоор ирсэн билээ. Түүний фэнүүд эрүүл мэндийн асуудлыг нь ойлгож, түргэн эдгэрэхийг хүсэн ерөөж байна.
