Европын зарим бүс нутагт, тэр дундаа Францад өрнөж буй хүчирхийлэл дагуулсан эсэргүүцлийн жагсаал нь Европын бодлого тодорхойлогчдыг БНХАУ-ын эсрэг худалдааны илүү хатуу бодлого явуулахад түлхэц болж магадгүй гэж шинжээчид үзэж байна.
Эдгээр эсэргүүцлийн хөдөлгөөнийг амьжиргааны өртгийн хямрал хэсэгчлэн өдөөсөн хэмээн тодорхойлж буй бөгөөд үүссэн үймээн самуун нь худалдааны харилцаанд нөлөө үзүүлж болзошгүй дарамтыг нэмэгдүүлж буй аж.
Олон улсын улс төрийн эдийн засгийн Европын төвийн Их Британийн худалдааны бодлогын төслийн захирал Дэвид Хениг энэ талаар тайлбарлахдаа: "Нэг талаас Европын Холбоог илүү сул харагдаж байна гэж маргаж болох ч, нөгөө талаас ийм үйл явдлын үеэр гадаад харилцаандаа илүү хүчтэй байр суурь харуулах шаардлага бий болж байна гэж үзэж болно" хэмээн онцолжээ.
