Дэлхийн поп хөгжмийн од, дуучин Жастин Бибер 2026 оны NHL-ийн (Хоккейн үндэсний лиг) драфтын үйл ажиллагаанд гэнэт үзэгдэж, олныг гайхшрууллаа. Тэрээр энэхүү арга хэмжээний үеэр "Торонто Мэйпл Лифс" багийн №1 сонголтыг албан ёсоор зарласан байна.
Жастин Бибер тайзан дээр үг хэлэхдээ бага наснаасаа эхлэн тус багийн үнэнч хөгжөөн дэмжигч байснаа онцлон дурджээ. "Би багаасаа л 'Лифс'-ийн хөгжөөн дэмжигч байсан" хэмээн тэрээр яриандаа дурдсан байна.
Канадын алдарт дуучин ийнхүү спортын томоохон үйл ажиллагаанд оролцож, өөрийн дэмждэг багийнхаа чухал мөчид гар бие оролцсон нь хөгжөөн дэмжигчдийн анхаарлыг ихэд татлаа.
