Америкийн кантри хөгжмийн супер од Жэйсон Алдин “Songs About Us” нэртэй шинэ цомог гаргажээ. Өнгөрсөн жил “Try That in a Small Town” дуугаараа олон нийтийн шүүмжлэлд өртсөнөөс хойш тэрээр энэ удаагийн цомогтоо улс төрийн сэдвээс аль болох зайлсхийхийг хичээсэн бололтой.
Rolling Stone сэтгүүлийн мэдээлснээр, “Songs About Us” цомог нь Жэйсон Алдины хувьд уламжлалт кантри хөгжмийн хэв маягаа хадгалах оролдлого болсон байна. Цомогт багтсан дуунууд нь хайр дурлал, гэр бүл, тосгоны амьдрал зэрэг кантри хөгжимд түгээмэл байдаг сэдвүүдийг хөндсөн байна. Муу биш ч гэсэн, өмнөх уран бүтээлүүдтэй нь харьцуулахад онцгой шинэлэг зүйлгүй гэж шүүмжлэгчид үзэж байна.
Жэйсон Алдин бол Америкийн хамгийн алдартай кантри дуучдын нэг бөгөөд түүний дуунууд Billboard-ын чартуудыг олон удаа тэргүүлж байсан. Гэсэн хэдий ч түүний “Try That in a Small Town” дуу нь хүчирхийллийг дэмжсэн, арьс өнгөөр ялгаварлан гадуурхсан агуулгатай гэсэн шүүмжлэлд өртөж, дуучны нэр хүндэд сөргөөр нөлөөлсөн юм. Тиймээс энэ удаагийн цомогтоо улс төрийн сэдвээс зайлсхийж, фэнүүдээ баярлуулахыг зорьсон бололтой.
