Английн алдарт дуучин, One Direction хамтлагийн гишүүн асан Зайн Малик өөрийн Konnakol нэртэй тоглолтын америкийн хэсгийг бүхэлд нь цуцалснаа зарлалаа. Тэрээр энэ тухайгаа өөрийн цахим хуудсандаа мэдэгдэж, “Би гэртээ эмчлүүлж байгаа бөгөөд бие маань сайжирч байна” гэжээ.
Konnakol тоглолт нь Зайн Маликийн бие даасан уран бүтээлийн хамгийн том аялан тоглолт байхаар төлөвлөгдөж байсан юм. Гэвч түүний биеийн байдал муудсан тул тоглолтыг цуцлахаас өөр аргагүйд хүрчээ. Тоглолтын тасалбарыг худалдан авсан хүмүүст мөнгийг нь буцаан олгох болно.
Зайн Малик өөрийн шүтэн бишрэгчдээ хандан, ойлгож хүндэтгэсэнд талархсанаа илэрхийлж, удахгүй тайзан дээр эргэн ирэх болно гэдэгт итгэлтэй байгаагаа дуулгасан байна. Түүний биеийн байдлын талаар дэлгэрэнгүй мэдээлэл хараахан гараагүй байгаа ч шүтэн бишрэгчид нь түүнийг түргэн эдгэрэхийг хүсч байгаагаа илэрхийлсээр байна.
