АНУ-ын реалити шоуны од, гоо сайхны магнат Кайли Женнер (Keeping Up with the Kardashians шоугаар олонд танигдсан) дахин нэгэн зарцтайгаа шүүхдэлцэхээр болжээ. Rolling Stone сэтгүүлийн мэдээлснээр, нэрээ нууцалсан эмэгтэй Кайли Женнерийг ажлын байран дээрх дарамт шахалт үзүүлсэн хэмээн буруутгаж байна.
Эмэгтэйн өмгөөлөгчийн хэлснээр, тэрээр Женнерийн массажны ширээн дээр тусламж хүссэн захидал үлдээсэн ч хариу аваагүй аж. Захидалд ажлын байран дээрх дарамт шахалтын талаар дэлгэрэнгүй бичсэн гэж байгаа ч тодорхой мэдээлэл одоогоор гараагүй байна. Энэ нь Кайли Женнерийг зарц нартаа шударга бус хандсан гэх хоёр дахь тохиолдол болж байгаа юм.
Өмнө нь мөн нэгэн зарц нь Женнерийг хөдөлмөрийн хууль зөрчсөн хэмээн шүүхэд өгч байсан. Тухайн үед ажилтан цалин хөлс дутуу өгсөн, илүү цагийн мөнгө төлөөгүй, хоолны цаг өгөөгүй гэх мэт зөрчлүүдийг дурдсан байна. Энэ хэрэг одоогоор шүүхийн шатанд үргэлжилж байгаа.
Кайли Женнерийн зүгээс энэ асуудалд ямар нэгэн тайлбар хийгээгүй байна. Энэ хэрэг залуучуудын дунд алдартай оддын амьдралын ар талыг харуулж, ажилчдын эрхийг хэрхэн хамгаалах ёстой вэ гэдэг асуудлыг хөндөж байна.
