АНУ-ын Калифорни мужид шатахуун түгээх станцуудтай холбоотой томоохон маргаан дэгдээд байна. Тус мужийн шатахуун түгээх станцуудыг хиймэл оюун ухаан (AI) ашиглан шатахууны үнийг үндэслэлгүйгээр өсгөсөн хэмээн буруутгаж, шүүхэд нэхэмжлэл гаргажээ.
Шүүхэд гаргасан нэхэмжлэлд дурдсанаар, тус мужийн хэмжээнд үйл ажиллагаа явуулдаг шатахуун түгээх станцууд хиймэл оюун ухаанд суурилсан программ хангамжийг ашигласан байна. Энэхүү технологийн тусламжтайгаар тэд шатахууны үнийг хөөрөгдөж, улмаар үнийг өсгөсөн гэж үзэж байгаа ажээ.
Одоогоор энэхүү хэрэг хянан шийдвэрлэх шатанд байгаа бөгөөд хиймэл оюун ухааныг бизнесийн салбарт, ялангуяа хэрэглэгчдийн өдөр тутмын хэрэгцээний бараа бүтээгдэхүүний үнэд нөлөөлөх зорилгоор ашиглаж буй явдал нь олон нийтийн анхаарлыг татаад байна.
